就快聖誕節，大家都開始約三五知己聚會過聖誕！聚會時想玩一啲特別啲嘅玩意？呢個單車 Board Game 或者會啱你！

今次介紹的 Cycling Party，絕對不是一般擲骰仔行幾多步棋的 ｢飛行棋式｣ Board Game 咁簡單，又係一個鬥智鬥力的桌上遊戲：首先，你要用 Cycling Party 內附的 54 塊六角形賽道，分別代表不同特殊路段例如平路、急彎或者上山，加上起點及終點拼圖各一，拼圖組合成一段賽道，然後就可以開始遊戲！每位 Cycling Party 的用家都會變身成為一個單車隊領隊，你的單車隊入面有不同 ｢特性｣ 的車手，例如 ｢爬坡好手｣、｢衝刺手｣、｢最佳車手｣、｢黃色戰衣車手｣ 等，你就要運用自己車隊不同的車手角色，晌賽道上作不同戰術，越過其他對手贏得比賽！而更刺激的，係 Cycling Party 入面會有樽裝水等補給物品，加添遊戲的策略性！

而且，你仲可以配合 Cycling Party 特別為這個 Board Game 推出的 Apps，幫助你去玩整個 Board Game，由學習去到要玩 Professional 的 Master Level，呢個 Apps 都幫到你去玩得更簡單更開心！

認真，小編都無諗過原來單車都可以晌枱上面 ｢踩｣！鍾意玩 Board Game 的朋友一定唔可以錯過！而鍾意踩單車，又鍾意落場比賽的你，或者都可以透過呢隻 Game 嘗試一下做領隊的滋味！就好似足球有 Fifa、Winning 同 Championship Manger，單車就有 Cycling Party 一樣！

最後，Cycling Party 定價 EUR €42.95 ( ~HKD $410 )，如果要運到香港，大約要多付 €35 ( ~HKD $330 )。如果現在落單，聖誕節時也許就已經有得玩喇！

整個 Cycling Party 的賽道圖。鍾意落場比賽的單車友見到應該會想即刻落場踩！

實道由一塊塊不同的六角形實道砌成，54 塊砌道就可以瑟出多個不同組合

砌完就可以開始玩喇！Cycling Party 最多可以受 6 個玩家一齊落場 ｢踩｣！

6 個玩家手上的車手，都會用不同顏色代表

而 Cycling Party 附設的 Apps 就可以幫助管理整個遊戲流程，以及教導玩家如何玩得更開心！

不同的 Function 牌，有著不同的功用。玩落你就會知點用架喇！

相關網站：

Cycling Party