無時間出車又想踩單車？或者懶得抬單車出街，咁點算好？呢隻 Game 應該幫到你止止踩車癮！

Zwift 是一隻由一眾單車運動員設計，網上模擬踩單車遊戲 / 練習軟件，玩家可以使用自己的單車，晌屋企無拘無束地踩 Game 入面不同的公路！除左你自己可以用作練習之外，你仲可以約埋其他朋友，晌 Game 入面鬥車！

而 Zwift 的操作原理，其實同好多練習機一樣：把自己的單車裝到有阻尼的練習機上，然後把一個 USB 接收器插入電腦，遊戲就可以分析你踩單車的車速，去控制 Game 入面的「你」！當然，遇上上斜落斜，練習機上的阻力亦都會隨之而增加或者減少！玩得耐想 upgrade，Zwift 的網站亦都有一系列的配件可以換，包括一套直接連到練習機的後花鼓，你就可以免卻使用單車後輪發力，同朋友鬥車時就可以事半功倍！

想即刻買來玩？未得住呢！Zwift 現正進行測試階段 (Beta)，暫未作公開發售。但 Zwift 現正免費開放予公眾作測試，如果你有幸成為測試員的一份子，你就可以免費得到無線 USB 接收器呢！知你好想申請喇，你可以上去 Zwift 的官網睇睇先呢！

晌室內踩單車，除咗健身單車之外，就要靠 Zwift 了

要玩 Zwift，就要靠呢幾部不同的阻尼機，最左面的一部，你可以踩返自己單車；而中間同右面的，你就可以選擇拆後轆，然後裝上特製的花鼓，連接 Zwift，又或者你可以索性買多一個車架，多嚟玩 Zwift！

入到 Game，你仲可以揀不同單車配搭，咁你就可以模擬你 ｢未來｣ 心水單車的操控大約會係點喇！

衝呀！其實 Zwift 的畫面的確幾靚！用手掣都玩得，小編都願意玩！

除左自己練習，你仲可以約埋朋友一齊上網鬥車，嘩？！我係咪踩緊環法單車賽呀？

Zwift 亦都有出 Smartphone Apps，方便你一路練習，一路以電話監察住你今次 ｢踩車｣ 的數據！

好想玩吧？！小編都想玩呢......不如想像下上左自己單車時，玩呢隻 Game 的情況啦！

相關網站：

Zwift