木製單車配件一向都是小眾之選，但有品味的朋友，一定會識揀。以下小編介紹的舖頭仔，專出木製單車配件，你又即管睇睇有無咩配件啱你？

你第一時間可能會問：究竟我部單車有邊一 Part 可以換木製配件呢？其實好多位都可以換，例如車架呀、座位呀......但要數換完後優雅又不失實用性，仲要一望就見到有特別，相信前把 ( Handlebar ) 就是不二之選。Woodoocycles 的木製車前把由人手製造，以原條木條或者幾塊木片再用特別方法以人手夾成，每一條都獨一無二，亦十分堅硬耐用，而以木板夾成的前把更可以選擇以不同顏色木板夾色，配搭出「彩虹色」的前把！

Woodoocycles 的木製車前把直徑為 25.4mm，適合裝到大多數單車的鵝頸之上。而前把類型亦有直把 ( Straight )、彎把 ( Curved )、上升把 ( Riser ) 及牛角把 ( Bull Horn ) 可供選擇，適合不同單車，甚至是 Fixed Gear 做花式使用。價錢方面，由原木直把 Straight €40 (~ HKD $390 )，至上升把 Riser €100 (~HKD $970 ) 不等。

全木製的直把，襯到單車上很特別呢！

一條原木製成的前把，有深色及淺色可選

曲把 ( Curved ) 就比較特別，古典味更重！而夾板不失耐用性之餘，亦可以配搭不同顏色，更加特別！

上升把 ( Riser ) 亦有不同顏色可選

於 Fixed Gear 單車中常見的牛角把 Bull Horn，亦是 Woodoocycles 前把其中一個選擇，可見 Fixed Gear 的朋友對於這類有 Style 的單車配件需求甚多！

另外，你亦可以選擇木製腳踏，為你的愛車加添多分古典的味道。腳踏外圍選用的木材都是最堅硬及耐用的木材，配以鋁合金腳踏而成，所以不需擔心腳踏的耐用性。而腳踏亦可以裝上腳帶，方便 Fixed Gear 等單車需要。價錢 €50 (~ HKD $490 )

腳踏外面加上木片，令腳踏外觀更美

Woodoocycles 的木製腳踏亦可以裝上腳帶，方便 Fixed Gear 朋友使用

最後，Woodoocycles 最吸引小編的產品，應該是木製單車架！車架有上牆身、坐地及掛勾三款，外型極度吸引，一定可以成為你屋企一件漂亮而且實用的傢俱！而且，有些款式更可變成書架，及有掛位可以掛上毛巾等，增添實用度！價錢亦不算昂貴，流動單車架盛惠 €85 (~ HKD $830 )，掛牆架、掛勾就由 €45 - €110 ( ~HKD $440 - HKD $1,070 ) 不等，十分抵買！

流動的木製座地單車架，設計簡潔、美觀

亦有木製單車掛勾，方便用家以前輪掛到勾上，垂直放置單車

上牆架就更加精采！先有一個設計簡單的架，以兩條木條加上坑紋，你可以輕鬆把單車掛上兩條木條上！

又或者掛到這個集衣架、書架及單車架於一身的掛牆架上！

這樣，你就可以放書、掛上頸巾毛巾 ( 要先不怕單車鏈會弄污掛上的物品呀！)，及主角單車！美觀而且實用度滿分！一定可以幫你的家居增添不少型格味道！

真是愈看就愈想買！有興趣？不妨去這裡睇睇吧！

相關網站：Woodoocycles