雖說踩單車一定要用手 ( 單手啦至少！)，但用手發力幫你上斜或加速，你有無諗過呢？無嘅話，你就要睇睇 Varibike 喇！

Varibike 有咩特別？相信大家一睇到相片就已經知道：Varibike 最最最特別的地方，就係手把前面有一個用手轉動的 「曲柄」及「手踏」，連接到大齒盤，用嚟輔助你踩單車！有咩用呢？原來經大學研究發現，用雙手幫你踩單車，其實會有多 30% 力度加乘，尤其是加速又或者係上斜的時候，你雙手加埋一齊發力的話，原來會較容易上斜，耐力亦得以提升！

至於在 Varibike 上用雙手「踩單車」時，其實你都可以用不同技巧，配合不同時間或者自己訓練嘅需要，例如慢踩，或者要鍛鍊上身肌肉時，就可以配以不同騎行姿勢來達致訓練效果：例如慢踩時可以放放鬆鬆把雙手捉實固定前把；要衝的話就把雙手上下擺動；同時間擺動曲柄就可以鍛鍊到下背部的肌肉...... 嘩！原來手腳並用踩單車咁有用架！

很想要吧！Varibike 其實已經有得賣，Cross-Road Bike 版本的 FR-2 定價為 EUR $3,999，約 HKD $39,580，Mountain Bike 版更貴，索價 EUR $4,999！( 約 HKD $49,350)！而特別的地方是，Varibike 有提供二人協力車 ( Tandem )，價錢竟然是最平！只是 EUR $2,699 ( HKD $26,650 )！甚至是買個室內 Varibike 訓練器吧！EUR $1,999 ( HKD $19,740 )就可以帶佢返屋企喇！

這就是 Varibike - 用雙腳踩又得，搵對手幫手加速又得！

Varibike 的車頭就由一條好短的前把再加兩邊的 ｢曲柄｣ 而成

而考慮到轉向會因為你擺動雙手時變得困難，於是廠方就晌頭碗位置加了 ｢回軚｣ 彈弓！

擺動雙手踩單車其實好易，你可以上下郁，或者兩隻手一齊郁！詳情請參考下面的 Video

Cross-Road 類型的 Varibike，盛惠 EUR $3,999 ( 約 HKD $39,580 )

出奇地便宜的協力版 Tandem，兩位踩單車的都可以 ｢手攪｣ 單車，好得意呀！

淨係想訓練嘅話，買部 Varibike 訓練機返機就得喇！

Varibike 介紹短片：

相關網站：

Varibike