或者你會覺得晌香港某地區的單車徑上，無啦啦會棟起一排排 ｢怪柱｣ 塞住單車徑的時候，已經覺得不可思義，點解會有人諗到咁起單車徑。但其實，相同情況外國一樣有，而且更誇張......

外國就有網站搜羅了全球 10 大最不可思義，或者係最離譜嘅單車徑，一齊睇下：

踩得單車多嘅朋友，都知呢類型怪柱陣晌香港係好 Common 架喇......但外國人眼中，肯定係不可思義！

1. 跨欄單車徑

踩踩下單車，晌條單車徑上面見到有條欄杆橫跨住單車徑，你會點做？小編心諗，如果小編當時係騎緊馬，或者踩緊 BMX 單車識跳過去嘅話，應該無乜問題.....

Source

2. 消失的單車徑......

點單車徑愈嚟愈窄，仲要消失埋......真係有等於無！

Source

3. 夾硬劃出來的單車徑......

呢條位於德國的單車徑本來就唔應該存在......又短而且前面又有 ｢神主牌｣，跟本就唔係單車徑應該出現的位置.....加埋上面 ｢精細｣ 的畫功......不如抹返佢啦好嗎？

Source

4. 無窮無盡的單車徑

如果有朋友去過外國專玩視覺錯覺的博物館的話，一定唔會對呢條單車徑陌生：雖然單車徑俾間屋阻住，但都有有心人幫佢畫返條無窮無盡的單車徑，某啲角度睇真係會好似間屋開左窿，單車徑真係無盡架！唔似得好似第 3 條咁畫單車徑畫得咁無誠意......

Source

5, 6. 總有嘢阻住你的單車徑

唔好誤會，晌呢兩條單車徑上阻住你踩單車的，唔係咩怪柱神主牌，而係一棵大樹、一間廁所......你可以踩單車爬樹，同埋踩住單車去廁所咩？

Source

7. 可能係世界上最短單車徑

有條單車徑無啦啦晌行人路突出嚟，前後又無單車徑連接，長度仲要唔知有無兩部單車咁長，呢條單車徑可能真係世界最短......

Source

8. 自殺式單車徑

條單車徑如果直行就好地地，點知佢無啦啦轉彎，轉上行人路有壆又有欄杆，如果咁守規矩跟住嚟踩的話，真係唔炒車算偷笑......

Source

9. 識種樹的單車徑

單車徑上面乜都有可能發生，好似呢度，有棵樹會 ｢無啦啦｣ 生晌單車徑中間嘅。點解嘅？前面仲有個單車徑 Logo，我估工人們無咁蠢明知後面有樹都畫個 Logo 上去嘅！肯定棵樹係之後生出嚟啦！

Source

10. 唔知點解會出現單車徑

呢條單車徑，後面無連接，前面又斷開咗，又畫咗個無厘頭三角讓車位，都唔係T 字路口畫嚟做乜！仲有得三部單車咁長，究竟有咩用？小編諗，係咪好似交通安全城咁用嚟教細路仔踩單車架？

Source

最後，小編都係想講，好彩無香港單車徑入圍啫，只不過如果我哋車友唔時時刻刻監察住政府，唔去投訴有問題單車徑而令官方對有問題單車徑視若無睹的話，不久就可能見到香港單車徑 ｢蜚聲國際｣ 喇！大家都唔想架係咪先？