Aug 15, 2015 - 開心Share |
唔好以為踩單車係我哋人類嘅專利,寵物們只要經過訓練,其實都識得踩單車架!唔信?你就要睇下喇......
話說小編早排睇緊 Youtube,見到有隻超得意,但個樣又好似賊仔咁嘅浣熊,竟然識得踩單車喎!咁小編再深入搜尋一下,會唔會有其他動物都會識踩單車呢?經過一論搜索,結果......
動物踩單車 Level 1 - 浣熊,識得踩改裝過嘅專用單車!
第一個 Level,就係一隻好似蒙咗眼、賊眉賊眼但又超級可愛嘅浣熊喇!呢隻浣熊晌 Youtube 都算係紅 「熊」,因為佢個主人都訓練咗佢做一系列動作,當然踩單車係其一啦!見到隻浣熊曉自己爬上架單車,一對短腳踩上腳踏然之後踩呢一部腳踏特高,同埋有輔助轆嘅單車,真係超級打耳!小編想大嗌:我都想養返隻同我踩單車呀!!
你睇下佢,佢慢慢咁爬上自己部單車......
踩喇!留意因為呢隻嘢對腳太短,佢個腳踏係得別造得高咗架,同埋個輔助轆都幾大下......
我踩呀!其實踩單車都唔係好難啫~
踩完,為食嘅浣熊梗係要攞嘢食啦~
嚟張正面先!可以見到手把對幫助呢隻嘢踩單車嘅功效其實唔大......
有關片段:
動物踩單車 Level 2 - 狗仔,識得踩小童單車!
好!我哋 upgrade 一下,睇睇以下兩隻厲害嘅狗仔點樣踩小童單車!
第一隻係住晌日本嘅 Momo,佢係一隻斑點狗,識得自己上部小童單車 ( 當然都係有輔助轆啦!),自己隻腳踩上去腳踏,自己將個 Pat Pat 坐落去座位,然之後就踩喇!佢踩緊嗰陣仲有啲細路仔想同佢鬥快添!但 Momo 好少理,繼續自己慢慢踩。
但點解佢唔敢踩得快?可能因為佢唔識點停車掛......( 其實佢撳唔到剎車就真......)
第二隻狗仔就住晌美國,但身形就大份得多喇......因為大份得滯嘅關係,佢部單車都相對大部,小編估單車車輪應該有 20" 大,而且輔助轆都大啲!上車時都 「論盡」 啲,要主人幫佢捉住隻腳踏上腳踏度......然之後,佢就可以好悠閒咁踩喇!
佢就係 Momo,一隻識得踩單車嘅斑點狗!
睇落去,佢踩得有板有眼架!
兩隻腳仲要踩得好協調添!
好喇!先講講佢點上車啦!佢好簡單咁用手捉住前把,再爬上部小童單車
腳仔踩住腳踏
個 Pat 一嘢坐落個座位上面
開始踩喇!小編懷疑緊隻斑點狗係咪人扮......
睇下,同樣係踩緊小童單車嘅細路仔,都忍唔住回頭望下 Momo 呀!
有關片段:
跟住到美國代表喇!佢踩呢部單車就大部好多喇......
主人同佢身形比較,佢係大隻過主人囉.....
所以上車就有困難,要主人幫佢將隻腳踩上腳踏喇!
有關片段:
動物踩單車 Level 3 - 馬騮仔,識得踩普通單車添!
當你覺得,唔奇吖,上面嗰幾隻都踩啲有輔助轆嘅單車,有無啲係踩兩個轆嘅單車架?小編而家就答你:有!兩個轆三個轆都有添!
佢就係靈長類動物之一:馬騮喇!小編搜尋 Youtube,發現原來東南亞好多地方都有訓練馬騮踩單車,成為動物園入面其中一樣生財工具。愛護小動物嘅小編當然唔敢諗佢哋受過咩苦先可以識踩單車啦.....( 不要再說了!) 但起碼証明一點,原來唔只人類可以識得掌握平衡踩單車,連馬騮都識架!其實如果放部單車晌馬騮山,啲野生馬騮會唔會靜靜雞夜晚偷咗去踩呢?
片入面一班馬騮晌圈入面踩單車,有三輪車有兩輪單車!小編第一時間就覺得:好厲害呀!
佢哋仲會踩 Drop Bar 單車添!
呢隻就踩三輪車,前面載著嗰隻馬騮就嘆緊世界.....
有關片段:
注:小編絕不贊成以虐待方法訓練動物們!
動物踩單車終極 Boss- 邊使踩架,搵貓奴踩,我坐佢車咪得囉!
無錯,最厲害一定係喵星人,唔使自己識踩,佢隻奴隸 (主人) 識踩兼肯帶佢周圍去咪得囉!得咗!
我就鍾意坐車頭,貓奴唔該你快啲踩單車!
又或者好似佢,紆尊降貴親臨貓奴頭頂,督促住佢踩單車!詳情請看舊文:《主人出巡》
睇下,咁多動物都識踩單車,你會唔會都心動想即刻出返轉車呢?
誠意邀請各位以文字、相片甚至影片,跟大家分享有關單車的事!
題材不限,隨便發揮,內容如路線靚相、經驗之談、遊記趣聞、買車改車等亦可。
內容版權歸作者所有,亦歡迎留下大名 / 筆名,以供萬民歌頌。XDD
投稿方法:請把以下檔案電郵至 submit@15km.hk:
- 內文 (Word / 純文字)
- 圖片 (JPG, 600px 或以上更好)
- 影片 (eg: Youtube link)
- 閣下姓名及聯絡方法
註:15km.hk 保留最終刊登、修改權利;投稿文章皆為作者本人立場。
風在前,無懼,態度決定一切! |
踩單車絕對唔危險,可以好安全! |
主人出巡 |
新手教學:識踩唔識停之點樣去剎車? |
超認真的香蕉 Holder |