組團無難度!Join Apps 用 iPhone 輕鬆組團踩單車!
Dec 20, 2016 - 開心Share  

「咩話!又唔得閒放我飛機?」呢個可能係好多車友組團踩單車時會講嘅說話!香港人咁忙,約團真係唔易,但有咗呢個 Apps,約團踩單車應該易好多!

呢個名叫 "Join" 嘅 iPhone Apps 其實最主要用途就係:約踩單車!市面上其實都有唔同嘅 Apps 去等大家一齊踩單車,但係通常都係先定一條路線,自己先踩一次,然後 post 上 Apps 度,俾人 Time Attack!

"Join" 就有啲唔同,首先,佢嘅出現係真係俾用家約人地約踩單車用,例如你今個星期六想踩大圍到大美督,咁你就可以先定下路線,例如中間你可能要特登兜去馬鞍山,再 Skip 大埔市中心直入大美督,都可以先 set,後 Call 馬,就好似 Facebook Event 咁,set 好時間集合地點,咁就可以嗌晒咁多個親朋好友,睇下邊個有興趣 Join!咁就唔使好似 Whatsapp Group 做搞手咁,十問九唔應,又或者要應付咩:「有邊個去先?」咁難答嘅問題喇!

另外,set 完路線之後,你都可以 set 返你淨係受咩單車玩,例如你今次淨係想同 Road Bike 玩,你都可以講淨係受 Road Bike 玩;又或者係你今次想慢踩,就可以 Set 返速度等大家知道今次踩法係點。而 "Join" 亦都會即刻幫你分析返今次路線究竟有幾長,同埋海拔高度等,幫你睇到今次踩的路線好唔好踩,或者啱唔啱踩等。

"Join" 的另一大優點,就係可以公開你的路線俾其他 "Join" 的會員知道!首先,約得單車團當然想有其他朋友 Join,識多啲朋友啦!所以如果你係孤獨單車客,放假無嘢做想搵下團嚟 Join 出去踩下單車,你可以開返個 Apps,就可以即刻搵到附近有咩團搞緊,同路線資料等等,啱你嘅,就撳 "Join",就可以去會合新朋友喇!更重要係即使你身在其他國家或城市,都一樣可以搵到團!踩完之後你都可以 Share 返當時點滴、所需時間等等。當然,有得 Share 就當然可以砌一個自己嘅 Profile 啦!話唔定如果女仔開團,整返啲靚女相上個 Profile Pics 度,會吸引到好多型男 Join 你個團同你踩單車呢!

最後,呢個 "Join" 暫時只有 iOS 版,Android 未有提供,而亦可以配合 Garmin Connect IQ 使用,你單車的碼錶就可以俾到資訊俾你,例如踩左幾耐幾遠、附近有幾多團等等。睇嚟呢個 Apps 真係好啱鍾意踩車同埋約人去踩單車嘅你用呢!

先建立自己的 Profile,然後就可以定路線開團!

如果要 Join 人團的話,首先你可以揀返你而家晌邊度先,Click 入去,就會 List 晒現有嘅團出嚟

揀好團之後,你可以睇到個團,或者路線嘅性質,例如係淨係受 Road Bike 玩、幾長要行幾高斜路、平均速度等等。OK 喇,就撳 Join!踩去目的地 Join 人 / 朋友啦!

踩完之後,你都會有返今次路線嘅 Data,例如踩左幾耐、GPS tracking Data 等等,當然,一開始你都見到有 Profile,就自然可以好似 Facebook 咁 Share 團中相片等等啦!

Join 支援 Garmin Connect IQ,所以用家可以用碼錶睇返路線資料、附近有咩團咁,方便唔使成日用電話睇,慳電!

相關網站:Join




Share
分享至 facebook

讀者投稿

誠意邀請各位以文字、相片甚至影片,跟大家分享有關單車的事!
題材不限,隨便發揮,內容如路線靚相、經驗之談、遊記趣聞、買車改車等亦可。
內容版權歸作者所有,亦歡迎留下大名 / 筆名,以供萬民歌頌。XDD

投稿方法:請把以下檔案電郵至 submit@15km.hk:
- 內文 (Word / 純文字)
- 圖片 (JPG, 600px 或以上更好)
- 影片 (eg: Youtube link)
- 閣下姓名及聯絡方法

註:15km.hk 保留最終刊登、修改權利;投稿文章皆為作者本人立場。


相關文章
快又得、咬地又得:Velotto 邊踩邊轉胎壓
快又得、咬地又得:Velotto 邊踩邊轉胎壓
不再零速炒車:輕量磁吸式 Lock 踏 Vault MagLOCK
不再零速炒車:輕量磁吸式 Lock 踏 Vault MagLOCK
清邁單車路線推介:兩小時遊舊城
清邁單車路線推介:兩小時遊舊城
踩單車玩 Pokemon Go! 必備!單車電話座助你捉小精靈!
踩單車玩 Pokemon Go! 必備!單車電話座助你捉小精靈!
車友私人健康拍擋 SmartWatch
車友私人健康拍擋 SmartWatch